செய்திகள்

வியாழன், 30 ஜூன், 2011

நற்பிட்டிமுனைஅம்பலத்தடி விநாயகர் ஆலய பிரமோற்சவப் பெருவிழா

அம்பலத்தடி விநாயகர் ஆலய பிரமோற்சவப் பெருவிழா

நற்பிட்டிமுனை ஸ்ரீ அம்பலத்தடி விநாயகர் .

ஆலயத்தின் வருடாந்த பிரமோற்சவப் பெருவிழா அண்மையில் ஆரம்பமானது


பிரமோற்சவப் பெருவிழாவின் கிரிகைகளை ஈசான சிவாச்சாரியார் சிவஸ்ரீ.க.கு.சச்சிதானந்த சிவம் குருக்களின் நல்லாசியுடன், ஆலய பிரதமகுரு, உற்சவகுரு. ஈசான சிவாச்சாரியார் சிவஸ்ரீ.க.கு.மோஹனாநந்தக் குருக்கள், சிவஸ்ரீ.ப.கு.புவனேசராசாக் குருக்கள், இளஞ்சுடர்.சிவஸ்ரீ.பு.கு.சடாட்சர சர்மா, சிவஸ்ரீ.ந.கேதீஸ்வர சர்மா ஆகியோர்கள் மேற்கொள்ளவுள்ளனர்.

செவ்வாய், 14 ஜூன், 2011

நற்பிட்டிமுனை அல்-அக்சா மகா வித்தியாலய மாணவத் தலைவர்களுக்கான நியமனக் கடிதம் மற்றும் சின்னம் சூட்டும் விழா

நற்பிட்டிமுனை அல்-அக்சா மகா வித்தியாலய  மாணவத் தலைவர்களுக்கான  நியமனக் கடிதம் மற்றும் சின்னம் சூட்டும் விழா என்பன இன்று கல்லூரி ஆராதனை மண்டபத்தில் நடை பெற்றது. 
கல்லூரி அதிபர் எம்.எல்.ஏ.கயூம் தலைமையில் இடம் பெற்ற வைபவத்தில்  கல்முனை வலயக்கல்விப் பணிப்பாளர் எம்.டி.தௌபீக் பிரதம அதிதியாகவும் ,கல்முனை  போலிஸ் நிலைய நிருவாக பொறுப்பதிகாரி எம்.ஐ.வாஹிட் கௌரவ அதிதியாகவும் கலந்து கொண்டனர் 
கடந்த காலத்தில் சீரழிந்த இப்பாடசாலை எனது காலத்தில் சிறந்த நிலைக்கு வர வேண்டும் .அதற்க்கு மாணவர்களாகிய நீங்கள் ஒத்துழைப்பு வழங்க வேண்டும் .எமது பாடசாலைக்கு  இருந்து வரும் அவப் பெயர் நீங்க வேண்டும்.








கடந்த காலத்தில் பொத்துவில்  தொடக்கம் மருதமுனை வரைக்கும் நற்பிட்டிமுனை அல்-அக்சா மகா வித்தியாலய சாதனை கள்  பறை சாற்றப்பட்டுள்ளது. இவ்வரலாறு மீண்டும் புதுப்பிக்கப்படவேண்டும் என அதிபர்  கயூம் கூறினார்.

வியாழன், 2 ஜூன், 2011

உரிமை கோராத அறிவிப்பு

இன்று நற்பிட்டிமுனை பள்ளிவாசல் ஒலி பெருக்கிகளில் ஒலிபரப்பு செயப்பட்ட பொருளாதார அபிவிருத்தி அமைச்சு என்ற அறிவிப்புக்கு யாரும் உரிமை கோரப்படவில்லை . நற்பிட்டிமுனை 03 ஆம் பிரிவில் பொருளாதார அபிவிருத்தி அமைச்சினால் மீள் எழுச்சி திட்ட அபிவிருத்தி பணி இடம்பெறவுள்ளதாகவும் இதற்க்கான கூட்டம் சனிகிழமை நற்பிட்டிமுனை லாபீர் வித்தியாலயத்தில் இடம்பெறவிருப்பதாகவும் 80 %மானவர்கள் இதில் கலந்து கொள்ள வேண்டுமெனவும் அறிவிக்கப்பட்டுள்ளது.
இத்திட்டத்தி என்ன அபிவிருத்தி செய்யப்படவுள்ளது,இதற்க்கு யார் பொறுப்பு என்பது பற்றிய தகவல் வெளியிடப்படவில்லை.நெல்சிப் திட்டத்தில் நற்பிட்டிமுனை புறக்கணிப்பு செயப்பட்டுள்ளதை மூடி மறைக்க சதி திட்டம் இடம்பெற்றுள்ளதா ?  என மக்கள் சந்தேகம் கொள்கின்றனர்.

செவ்வாய், 17 மே, 2011

திங்கள், 16 மே, 2011

நட்பிட்டிமுனையில் தொடரும் குடி நீர் பிரச்சினை

நற்பிட்டிமுனை பிரதேசத்தில் குடி நீர் வழங்குவதில் தேசிய நீர் வழங்கல் அதிகார சபை பொடு போக்குடன் செயல் படுவதாக மக்கள் குற்றம் சாட்டுகின்றனர். இரவு வேளையில் மாத்திரம் குடிநீரை வழங்கும் அதிகார சபை  குறைந்தளவு நீரை  வழங்குவதால் உயரமான பகுதியை சேர்ந்த ஆலயடி பகுதி மக்கள் மிகுந்த சிரமம் அடைவதாக அப்பகுதி மக்கள் கூறுகின்றனர்.இரண்டு நாட்களுக்கு ஒரு தடவை மாத்திரம் வழங்கப்படும் குடி நீர் கூட முறையாக வழங்கப்படுவதில்லை 
பல நாட்கள் நீர்பெறாமல் சிரமப்பட்ட மக்கள் போராட்டம் நடத்தி கிடைத்த நீர் மீண்டும் இடைநிறுதப்படுவது அம்மக்களின் ஆவேசத்தை  தூண்டும் செயலாகும்.

நற்பிட்டிமுனையில் அனுமதியற்ற முறையில் மாடுகள் அறுக்கப்படுகின்றன

 
நற்பிட்டிமுனையில் அனுமதியற்ற முறையில் மாடுகள் அறுக்கப்படுகின்றன
நற்பிட்டிமுனை பிரதேச குளக்கட்டுகள், மேட்டுவட்டை போன்ற பிரதேசங்களில் அனுமதியற்ற முறையில் மாடுகள் அறுக்கப்படுவதாலும், அதன் கழிவுகள் அவ்விடத்திலேயே கைவிடப்படுவதாலும் அண்மித்துள்ள குடியிருப்பாளர்கள் பல்வேறு இன்னல்களையும் சுகாதாரச் சீர்கேடுகளையும் அனுபவித்து வருகின்றனர்.

அவ்விடத்திலேயே கைவிடப்படும் எலும்பு, தோல், இரத்தம் போன்ற இன்னோரன்ன பொருட்களை நாய், காகம் போன்றவை அருகிலுள்ள கிணறுகள், கோயில்கள் போன்ற இடங்களுக்கு இழுத்துச் செல்கின்றன. இதன் காரணமாக இப்பிரதேசத்தின் தூய்மை சீர்துலைந்து வருகின்றது.

பிரசித்தி பெற்ற பாண்டிருப்பு திரௌபதி அம்மன் ஆலய வனவாசம் இவ் வீதியூடாகவே செல்வது வழக்கமாகும். இவ்வாறான செயல்களினால் தமிழ் மக்கள் தமது ஆண்மீக வழிபாடுகளைச் சீரான முறையில் நிறைவேற்ற முடியாதுள்ளதுடன், தமிழ், முஸ்லிம் உறவுகளிலும் பாதிப்பை ஏற்படுத்தும் என அச்சம் தெரிவிக்கப் படுகின்றது.

ஆகையால் கல்முனை மாநகர சபை முதல்வர், கல்முனைப் பொலிசார், கல்முனைப் பிராந்திய சுகாதார சேவைகள் பணிப்பாளர், பொதுச் சுகாதாரப் பரிசோதகர் ஆகியோர் அனுமதியற்ற முறையில் மாடு அப்பதைத் தடுத்து நிறுத்தி அப்பிரதேச குடியிருப்பளர்களுக்கு ஏற்படும் சுகாதார சீர்கோடுகளைப் போக்க நடவடிக்கை மேற்கொள்ள வேண்டுமென அப்பிரதேச பொது மக்களால் கோரிக்கையும் விடுக்கப்பட்டுள்ளது.

ஞாயிறு, 15 மே, 2011

அபிவிருத்தியில் நற்பிட்டிமுனை புறக்கணிப்பு

பொருளாதார அமைச்சினால் முன்னெடுக்கப்படும்  நெல்சிப்  திட்டத்தில் கல்முனை ,சாய்ந்தமருது,மருதமுனை, இஸ்லாமாபாத்,சேனைகுடி, அடங்கலாக ஐந்து  அபிவிருத்தி திட்டங்களுக்கு  நிதி ஒதிக்கீடு செயப்பட்டுள்ளது  இந்த அபிவிருத்தியில் நற்பிட்டிமுனை புறக்கணிப்பு செயப்பட்டுள்ளது, இந்த புறக்கணிப்பு கல்முனை மாநகர சபையினால் செயப்பட்டுள்ளதாக தெரிவிக்கப்படுகிறது, நட்பிட்டிமுனையை சேர்ந்த மூன்று  மாநகர சபை உறுப்பினர்களும் என்ன செய்கிறார்கள் என்பதை வாக்களித்த மக்கள்தான் கேட்க வேண்டும்.